Қостанай жоғары медициналық колледжінің мұражайына таныстыру экскурсиясы
Басты -> Жаңалықтар -> Қостанай жоғары медициналық колледжінің мұражайына таныстыру экскурсиясы
Қыркүйек айында медициналық колледжінде таныстыру экскурсиялары өтті. Экскурсия барысында бірінші курс студенттері Қостанай жоғары медициналық колледжінің тарихымен танысты. Сол жерде студенттерге оқу орынның тарихын зерттеу үшін «Поиск» тобына кіру ұсынылды.
Қазан айында еріктілер тобының алғашқы отырысы өтті. Топтың жетекшісі «Қазақстан тарихы» пәнінің оқытушысы Азтаева Алма Турегалиевна студенттерді бір-бірімен таныстырып кетті. Танысу барысында студенттер мұражайлық практикамен айналыспағандарын және өздері оқитын оқу орынның тарихын зерттеу қызық екендігін айтып кетті.
Келесі 2019 жылы Қостанай жоғары медициналық колледжіне 90 жыл толады, сондықтан колледждің мерейтойына дайындық барысында еріктілердің көмектері өте қажет болады. «Поиск» тобының студенттеріне сәттілік тілейміз.