«Академиялық мобильділік»- шетелде диплом алдындағы практикадан өту
Басты -> Жаңалықтар -> «Академиялық мобильділік»- шетелде диплом алдындағы практикадан өту
«Академиялық мобильділік» халықаралық бағдарламасының аясында 22 сәуірден 26 сәуірге дейін «Акушер» біліктілігімен «Емдеу ісі» мамандығының 3 курсының 6 студенті арнайы пәндердің оқытушысы А.У.Байсаринаның жетекшілігімен Челябі қаласының облыстық перинаталдық орталығында практикадан өткен болатын.
Перинаталдық орталықтың босану бөлімшесіндегі 5 күндік практика кезінде студенттер заманауи жабдықтармен танысты: жатырдың жиырылуын, ұрықтың жүрек қызметін тіркейтін фетальды мониторлармен, сонымен қатар партограммалармен. Практикадан өту барысында студенттер кесір тілігі операциясына қатысып, алдын ала құндақталған жаңа туған нәрестені акушерлік-физиологиялық бөлімшеге тасылмауға қатысты. Жүктіліктің өту барысын, акушерлік көмек көрсетуді, босанудың 3 кезеңін жүргізуді бақылады. Босанушыларға тексеру, кардиотокография жасады, акушерлік стетоскоптың көмегімен ұрықтың жүрек қағысын тыңдап, Леопольд-Левицкийдің 4 әдісі бойынша іштің пальпациясын жүргізіп, жатыр түбінің биіктігін, позициясын, ұрықтың позиция түрін, қалпын анықтады.
Бір апталық практика тез, ең бастысы - табысты өтті. Челябі қаласының облыстық перинаталдық орталығында практикадан өту арқасында бітіруші топтардың студенттері өздерінің практикалық дағдыларын бекітіп, Ресей Федерациясында пайдаланылатын заманауи технологиялардың талаптарын ескере отырып жаңа дағдыларды игерді.